Kolegji Zgjedhor, të rinumrohen 10 qendra votimi në Lezhë

Kolegji Zgjedhor, të rinumrohen 10 qendra votimi në Lezhë

Kolegji Zgjedhor, vendosi sot që të rinumrohen 10 qendra votimi në qarkun e Lezhës, duke pranuar kështu pjesërisht kërkesën e Partisë Demokratike.

Oerd Bylykbashi, përfaqësues ligjor i PD, deklaroi se, Kolegji ka pranuar pjesërisht kërkesën e tyre për rinumrimin e 10 qendrave të votimit, në Lezhë, qendra të ankimuara fillimisht në Komisionin Qendror të Zgjedhjeve. Kështu u pranua se së paku në ato 10 qendra kishte trafik dhe vjedhje me presion të paktën të 400 votave nga Partia Socialiste.

Ndër të tjera Bylykbashi tha: “Është për të ardhur keq se nuk u orën në konsideratë, të gjitha ato fakte që u provuan botërisht për 248 qendra votimi, ku ishin së paku 300 vota të tjera të vjedhura nga PS. Pak më vonë do të fillojë në Kolegj procesi i rinumrimit dhe rivlerësimit që do të rikonfirmojë vjedhjen e PS në qarkun e Lezhës.Partia Demokratike edhe kështusiç është e mban mandatin, po s’ka pse të jetë i fituar me pak vota, por të bazohet mbi fotën e vërtetë të shqiptarëve, ne nuk kemi fituar me 39 vota diferencë por me mbi 700 të tilla.”

Kolegji Zgjedhorë pritet të nisë rinumrimin e këtyre qendrave të votimit rreth orës 15:00 në ambjentet e Gjykatës së Apelit.

/Bekim Bici/